Hivand, Mággá ja Silbasiidu

Mággá lea ferten vuolgit gaskaskuvlla vázzit eará báikái. Luomuid áiggi son finada ruovttus ja áddjá ja áhkku leaba sutnje dat buot divrasepmosat mii gávdnoš. Sutnos ádjáin ledje suollemas doaimmat maid áhkku ii galgan diehtit. Mákkás lea nu hállu šaddat seammaláganin go áhkku, gii lei dat čeahpimus herggiid dápmat ja geas ledje álo dat falimus hearggit. Áddjá lei Mággai lohpidan ohcat seammalágana go áhku heargi Silbasiidu lei. Mákká ja ádjá doaimmat ain báhcet gaskan go Mággá ain šaddá vuolgit, álggos skuvllaid dihtii ja maŋit áiggiid ges bargguid geažil. Máilmmis son vásihii olu muhto ii muitalan iežas fearániid oktiige earago iežas skihpárii Iŋgái.